يا عمري طال عليا الحال وتوحشتك

ياعمري طال عليا الحال وتوحشتك...راني مشتاق لنظرة في عينيك

مابقاش قد لي فات ونرجعلك...غدوة يفرج ربي نرجع ونجي ليك

صبري يا الغالية ودعيلي دعوتك...وماتظنيش الحبيب راهو في بالو ناسيك

انا كل يوم سهران مع خيالك...طول الليل نعبر ونألف عليك

عندي وحدا ماشي مئة منك...غيل نتي لي بالنية قلبي يبغيك

انتي في لبنات لي قلبي حبك...لو يصرا واش يصرا والله ما نخطيك

نعطيك وصاية خليها في بالك...فهمي قصتي مليح كي نوصيك

غيل بقاي مرا كيما عرفتك...ماتجرحيش هداك الغريب لي راهو متمنيك

اوقفي وراسك مرفوع قدام عديانك...ماتخليش كلامهم يأثر عليك

عديانا ضعاف قتليهم بسكاتك...انتي وردة غالية حتى شماتا ما يشريك

انتي وردة في قلبي غرستك...لو كان عطشتي بدموعي نسقيك

انتي حمامة بالصفا والنية قبضتك...وماخلانيش خاطري في القفص نربيك

انتي شمعة في ظلامي شعلتك...الحياة ظلمه في الظلام بلا بيك

انتي غيل بنظرة وحدا عشقتك...غاب العقل نهار لي جات عيني في عينيك

المكتوب كتب ولاقا بيني وبينك...والحمد لله لي مازالكي تبغيني ونبغيك

مادامني في الحياة نحط يدي في يدك...نحلف ونقول واحد من غيري ما يديك

ماكانش لي يقدر يفرق بيني وبينك...انتي الرب خلقك ليا وانا ليك

ياعمري طال الحال وتوحشتك...وراني مشتاق لنظرة في عينيك

مابقاش قد لي فات ونرجعلك...غدوة يفرج ربي نرجع نجي ليك

كلماتك جميلة
ننتظر جديدك يامووووورة

ان شاااااااااااااااااااااء الله نورتني

كلمات جميلة جيداااااااا